Removing "haha foto" virus

ဒေရက်ပိုင်းမှာ ကွန်ပြူတာကို "ဗိုင်းရပ်စ်ဝင်ရေ၊ ဗိုင်းရပ်စ်ဝင်ရေ" နန့် အသံဒေ ကကောင်း ကြားရပါရေ။

ကြားခါစက အမှု မဲ့၊ အမှတ်မဲ့ ပါဗျာယ်။ တစ်နိန့် ထုံးစံအတိုင်း ကွန်ပြူတာ ရှေ့ထိုင်နိန်တုန်း " တုံ " ဆိုရေ

အသံနန့်တတူ g talk ကနိန်  haha foto ဆိုပနာ လင့်ခ် တစ်ခု ဝင်လာပါရေ။

လင့်ခ် ပို့လိုက်ရေ လူနန့်ကလဲ သိနိန်ရေ ဆိုခါ မမီးပဲနန့် လင့်ခ်

ကို ဖွင့်လိုက်မိပါရေ။လင့်ခ်က face book ကဓတ်ပုံကို ညွှန်းထားစွာပါ။ ဗလာ ဖြစ်နိန်ရေ ဝင်းဒိုး တစ်ခု ပေါ်လာပနာ zip file နန့် ဖြစ်နိန်ရေ ဓတ်ပုံ တစ်ပုံကို save လိုက်ပါရေ။ file ကို run လိုက်ရေခါ တ တုံ တုံ နန့် အသံဒေ မြည်လာပနာ g talk မှာ ဟိနိန်ရေ သူငယ်ချင်းတိဘားကို လင့်ခ် တိ သူ့အလိုလို ပို့နိန်ပါရေဝါ။

သူရို့တိက ဖွင့်ရေလူကဖွင့်၊ မဖွင့်ပဲနန့် ဇာပို့လိုက်လဲ မီးရေလူ ကမီးနန့် က ကောင်း ဖြေရှင်းလိုက်ရပါရေ။ ဒေကြားထဲ သူ့ ကွန်ပြူတာ ကျွန်တော်ပို့လိုက်ရေ file ကြောင့်ပျက်လားဗျာယ်လို့ မာန်ပါရေ လူကလဲ ဟိပါသီးရေ။ "haha foto (သို့) ရန်တိုက်ပီးရေ" virus လို့ နာမည် ပီးလိုက်ချင်ပါရေ။ ဒေ virus စွာ (g talk,skype,yahoo) အစ ဟိရေ messangers တိကို ကြားခံပနာ

friend list ထဲမှာ ဟိနိန်ရေ လူတိဘားကို link တိ သူ့အလိုလို ပို့ပါရေ။ဒေ ပြဿနာ ကို ဖြေရှင်းဖို့အတွက် Anti-virus software ကို သုံးရပါရေ။ Anti-virus software  (၂ )မျိုး တင်ပီးလိုက်ပါရေ။ကိုယ့်စက်မှာ  Anti-virus ဟိပြီးသားဆိုဂေ ယင်းချင့်နန့် အရင် စမ်းကြည့်ပါ။ မရမှယာ အောက်က နည်းလမ်းတိအတိုင်း လုပ်ကြည့်ပါ။ လုပ်ကြည့်ဖို့ဆိုဂေ ကိုယ့်မှာ ဟိရေ Anti-virus ကို disable လုပ်ထားဖို့တော့ လိုပါရေ။စက်တစ်ခုတည်းမှာ Anti-virus (၂) ခုသုံးရစွာ အဆင်မပြေနိုင်လို့ပါ။

1. AVG anti-virus free 

          AVG anti-virus free ပါ။ အလကား ပီးသုံးရေ software (၁) မျိုးပါ။ ဒေနိန်ရာ က download လိုက်ပါ။

ပြီးစွာနန့် file ကို left click (၂) ခါ နှိပ်ပနာ run လိုက်ပါ။ Install စလုပ်နိန်ရေ ပုံပါ။

License agreement ကို accept လုပ်လိုက်ပါ။

Basic protection ကိုရွီး လိုက်ပါ။ Full protection က တစ်လယာ သုံးခွင့် ပီးရေ အတွက်ကြောင့်  ဖြစ်ပါရေ။

Quick install ကို ရွီးပနာ Next ကို နှိပ်လိုက်ပါ။

Search provider နန့် toolbar ကိုပါ တစ်ခါတည်း install လုပ်နိုင်ပါရေ။ မလုပ်ချင်ဂေ ရွီးရဖို့နိန်ရာမှာ ဒေအတိုင်းထားပနာ Next ကိုယာ နှိပ်လိုက်ပါ။

ယဂေ အဂု install လုပ်နိန်ပါဗျာယ်။ ပြီးအောင်ထိ စောင့်လိုက်ပါ။

Install အားလုံးပြီးစွာနန့် scan now ဆိုစွာကို နှိပ်ပနာ ကိုယ့် ကွန်ပြူတာ အခြေအနေကို စစ်ဆေး နိုင်ပါရေ။ 

Scanning time က ကွန်ပြူတာ မြန်နှုန်းအလိုက် အချိန်ကွာခြားမှု ဟိနိုင်ပါရေ။ ပြီးအောင်ထိ စောင့်လိုက်ပါ။ Result မှာ virus ဟိ၊ မဟိ အဖြေ ထွက်လာပါလိမေ။ ညွှန်ကြားချက်အတိုင်း လုပ်လိုက်ဂေ "haha foto virus" ဖယ်ရှားခြင်း အောင်မြင်စွာ ပြီးဆုံးပါဗျာယ်။

2. Panda active scan cleaner

 ဒေနိန်ရာ မှာ download လိုက်ပါ။ Portable ဖြစ်ပါရေ။ ပြီးစွာနန့် file ကို run လိုက်ပါ။ Accept and scan ဆိုစွာကို နှိပ်လိုက်ပါ။ ယဂေ scanning လုပ်နိန်ပါဗျာယ်။ ပြီးအောင်ထိ စောင့်လိုက်ပါ။ ပြီးစွာနန့် virus ဟိဂေ ပေါ်လာပါလိမေ။ ညွှန်ကြားချက်အတိုင်း လုပ်လိုက်ပါ။ ဒေနည်းတိနန့် " haha foto virus" ယာမဟုတ် အခြား အမျိုးအစား  (malware,trojan)  အစဟိရေ  virus  တိကို ဖယ်ရှား နိုင်ပါရေ။ Virus ၏လှည့်ဖျားခံရခြင်းမှ ကင်းဝေးဂတ်ပါစီ။

မှတ်ချက်။ ။ ဗိုင်းရပ်စ် ရန်ကို ကာကွယ်ဖို့အတွက် သူငယ်ချင်း တိဘားက လင့်ခ် ပို့လာဂေ မီးကြည့် ပြီးမှ ဖွင့်ပါ။