တီဖြစ်ပတ်စီ (၂)

မယူကမ်းအနောက်ဖက်ခြမ်း
တောင်ခြီရင်းကရွာဟောင်းချေ
ဇာတိမွီးမြီကို
တခေါက်တခါချေလောက်
လားကြည့်ချင်ကေ
တည်နီရာရှာမရ
ဇာမာလေ ဇာခါက ...........။


ငရို့ဖိုးဖီးဇူဇာရို့
အသက်သွီးနန့်ရင်း
တည်ဆောက်ထားခစွာ
ဒေမြီ ဒေရီ ဒေပြည် ကို
မွီအညှိ့ခံသားကောင်ပိုင်ဝပ်စင်း
ညောင်မျိုခံပထိုးပသျှောင်
ပြိုကျပျောက်ပျက်လားလီရဖို့်လား ... ။

မျောက်နှင်ခံယာရှင်
ဒေအဖြစ်ဆိုး
မင်းဗာရာမြင်လာရဖို့...
ရင်ဖတ်စည်တီး
အကြိမ်ကြီးချ
အခါတရာမကဆို့သီ
ဇာလောက်ထိရင်ကွဲလီဖို့
တက်သီးခေါက်သံ
မိုးကြိုးသံယောင်
ရခိုင်မဟုတ်ကတ်တေပိုင်ကာ ဝေး လို့... ။

မြင်နီကျဒေမြင်ကွင်းတိက
မရိုးနိုင်ဒေမြီမာ
တွိမြင်လီတိုင်း
မချိ့အောင်ရင်နာ
ရွာချောင်းလောင်းဆိပ်က
ကျမျက်ရည်ချောင်းစီး
ဇာတိမြီစွန့်ရသူရို့ မာ

တဆောင်ကနှစ်ဆောင်
နှစ်ဆောင်ကသုံးဆောင်နန့်
တရွိရွိစွန့်ခွါ
ရွာပြိုပျက်သုန်း
မျိုးပြုန်းလားအောင်
ကြမ္မာဝဋ်ဖီးက
သင်္ခါရ ဆိုရပြန်ကေလေ့
ပြင်းလွန်းပါရေကါ.... ။

အော်....
မိဖအမွီဆိုကေ
ဒယောဆိုးချေတပိုင်းတောင်
မျက်နှာမြင်လို့သိမ်းထားတတ်တေဓလေ့ချေ
ဇာဇာရောက်လခကတ်ဗျာယ်လေ ...
အချေခါက ကဇတ်ကတ်ခါပြောကတ်တေပိုင်
ငါ့နရာစာကွက်ဆိုလို့ရဖို့စွာလားယေ

ရီများရီနိုင်
မီးများမီးနိုင်ခါ
အောင်မြင်စွာဆုတ်ခွါ
ကျန်ခရေအမွီအနှစ်
"ခဘာဇာ" ဖြစ်ပါဇီ
ကျိန်ဇာချေနန့်တော့မလုံလောက်.............
တဖေါင်လုံးဝါး
တလုံးတည်းကျန်ကေလေ့
ကန်ထားဖို့ အားတင်းလို့ထား
တီဖြစ်လီပတ်စီ ........ ။ 

                                                                           မင်းရာမောင်