Internet shopping

Gmarket ကနိန် ဈေးဝယ်နည်း ကို ရွီးလားချင်ပါရေ။ ဒေချင့်စွာ ကျွန်တော်ကိုယ်တိုင်လည်း အခေါက်ပေါင်း တစ်ရာ မက ကြိုးစား စပ်စု ပြီးမှ Sign up လုပ်လို့ ရလားစွာပါ။ လိုအပ်ရေ အချက်အလက်တိ အားလုံး ကိုက်ညီနိန်ပါဂေလဲ ဇာဖြစ်လို့မရစွာလဲလို့ ခေါင်းရှုပ် ခရပါရေ။ကျွန်တော်က အမြဲတမ်းဆိုရေပိုင် Main browser အနီနန့် Firefox ကိုယာ သုံးဖြစ်ပါရေ။ အဂု ဒေချင့်မှာလဲ Internet Explorer နန့် စမ်းသုံးကြည့်ဖို့ ယောင်လို့တောင် မစဉ်းစား မိခပါလေ။

တစ်ရက် ပိုနိန်ရေ အချိန်တိကို အားနိန်ရေ လက်တိနန့် အသုံးချပနာ ကွန်ပြူတာကို နှိပ်စက်ခပါရေ(သက်ဟိ ဆိုဂေတော့ ဇာပိုင်နိန်ဖို့လေမသိ၊ကွန်ပြူတာဖြစ်လို့ ဟုတ်သီးရေ၊သူ့ခမျာ နိန့်တိုင်း အနှိပ်ခံရစွာ)။ယင်းနိန့်မှ တတေ့ဆဆိုင် IE(internet explorer) နန့် စမ်းသုံးကြည့်ဖြစ်ပါရေ။ယေမှ တစ်ခါတည်းနန့် sign up လုပ်လို့အောင်မြင်လားစွာပါမလား။Gmarketမှာ ဈေးဝယ်ချင်ရေလူတိ IE နန့်ယာ Sign up လုပ်ပါလို့ အကြံပြုလိုပါရေ။

 Gmarket ကိုလားပနာ Sign up လုပ်ချင်ပါဂေ အရင်ဆုံး  회원가입 (သို့) English ဆိုစွာကို click လိုက်ပါ။ 회원가입 ဆိုဂေ ကိုရီးယား ပိုင် ပေါ်လာပြီးဂေ English ကို နှိပ်ကေ အင်္ဂလိပ် လို ပေါ်လာပါဖို့။ အဆင်ပြေဟာနန့် သုံးဂတ်ပါ။ ကျွန်တော်ကတော့ 회원가입 ကို နှိပ်လိုက်ပါမေ။ ယင်းမှာ Please register here ဆိုစွာကို ထပ်နှိပ်လိုက်ပါမေ ။ 

နောက်ထပ်ပေါ်လာစွာမှာ I agree ဆိုစွာအားလုံးကို အမှတ် မှတ်ပီးရပါဖို့။

အောက်မှာ ပါလာရေ ကွက်လပ် တိကိုလဲ အားလုံး ဖြည့်ပီးရပါဖို့။  Pass word ပီးစွာမှာ ဂဏန်း နန့် အက္ခရာ တိကို ရောလို့ ပီးပါ။

ပီးထားရေ Pass word နန့် IDကိုလဲ မမိန့် ပျောက်လားအောင် Note pad နန့်  ရွီးပနာ save ထားလိုက်ပါ၊အားလုံး ထည့်လို့ ပြီးဗျာယ်ဆိုဂေ အောက်ဆုံးက confirm ကို နှိပ်လိုက်ပါ။

ယဂေ Sign up လုပ်ခြင်း အဆင့်ပြီးလားပါဗျာယ်။နောက်တစ်ခေါက် Gmarket ကို ဝင်ပနာ ကိုယ် ပီးထားရေ ID,Pass word နန့် Login လုပ်လို့ ရပါဗျာယ်။ ဒေနည်းနန့် Gmarket ကနိန် ဈေးဝယ်လို့ ရပါရေ။ အားလုံး အဆင်ပြေဂတ်ပါစီ။